Фабриката за сточна храна има производствен капацитет од 8.000 до 10.000 тони годишно. Капацитетот на складирање на суровина која се употребува за производство на храна изнесува 6.000 тони. Фабриката е примарно наменета за сопствени потреби, а во мал дел задоволува потреби и на други купувачи. Во 2008 година е целосно имплементиран HACCP стандардот за квалитет.

Фабриката е целосно автоматизирана, а приемот и складирањето на суровини кои се користат за производство на храна се вршат според дефинирани правила. Пред прием на секоја суровина истата прво се проверува за присуство на страни примеси и квалитет на зрно. Фабриката е опремена со три магнети кои се користат за детектирање на страни тела, и тоа при прием на суровина, мелење и излез на готова храна пред нејзин транспорт. Пред складирање на суровината истата поминува низ селектор кој ги отстранува примесите и низ усисни вентилатори кои ја отстрануваат прашината.

Фабриката е опремена со апаратура за сопствена контрола на квалитет на зрното со цел обезбедување безбедност и квалитет на храната.